Nýggjur heilsuhjálparaflokkur byrjar í mars

Heilsuskúli Føroya hevur fingið 11 umsóknir til heilsuhjálparaútbúgvingina, nú freistin var úti í gjár.

Tað er nóg mikið til, at ein flokkur kann byrja, siga tey í Heilsuskúlanum. Tey vænta eisini at fáa fleiri umsóknir, áðrenn flokkurin byrjar. Umleið 20 pláss eru í einum flokki.

1. februar skuldi annars ein flokkur av heilsurøktarum byrja. Men tað bleiv av ongum, tí ov fá høvdu søkt. Eitt boð upp á eina frágreiðing var, at nýggja skipanin við løn undir útbúgving ikki reiðiliga var komin at virka tá.

Hoyr innslag í útvarpstíðindunum:

Í innslagnum hoyrdu vit  Vivie Davidsen, skúlastjóra á Heilsuskúlanum, og Mary Antonsdóttur, forkvinnu í Heilsuhjálparafelagnum.