Handlar: Kunngerð um orkudrykk eigur ikki at koma í gildi beinanvegin

Kunngerðin um aldursmark á orkudrykkjum eigur ikki at koma í gildi longu dagin eftir, hon er kunngjørd. 

Gildiskoman eigur í fyrsta lagi at vera tvær vikur eftir, at kunngerðin er lýst. 

Tað sigur Handilsvinnufelagið í sínum hoyringarsvari.

Fólk, sum eru yngri enn 18 ár, eiga ikki at sleppa at keypa orkudrykkir, ætlar Tilfeingis- og vinnumálaráðið.

Handilsvinnufelagið tekur undir við tí.

Tað sigur, at limir eru í felagnum, sum av sínum eintingum hava sett aldursmark.

Handilsvinnufelagið mælir til at gera eina skipan við talgildum samleikaprógvi, so aldurin kann prógvast.