Óli Mittún í uppskoti til heimsins besta unga spælara

Óli Mittún er í uppskotið til heiðurin sum heimsins besti ungi hondbóltsspælari, sum altjóða hondbóltssamgongan IHF letur.

Føroyski úrmælingurin skal kappast við Francisco Costa úr Portugal og Nikola Roganović úr Svøríki. 

Óli Mittún gjørdi veruliga vart við seg í EM-bólkaspælinum í Oslo. Upp á teir tríggjar dystirnar ímóti Sveis, Montenegro og Slovenia skeyt fótfimi bakkurin 23 mál og átti næstseinastu hond á heili 24 málum.

Hann spældi serliga væl ímóti Montenegro. Tá skeyt hann níggju mál upp á níggju royndir og átti ikki minni enn 11 upplegg.

Óli Mittún skifti síðsta summar úr svenska IK Sävehof til danska stórfelagið GOG, og longu í ár hevur hann spælt væl bæði í bestu donsku deildini og í Champions League.

Føroyingurin fær kortini harða kapping um heiðurin. Serliga frá 20 ára gamla portugisiska bakkinum Francisco Costa, sum er fastur maður á landsliðnum og longu í fleiri ár hevur gjørt vart við seg í Sporting.

So seint sum týsdagin var hann við til at vinna á Danmark í síðsta umfarinum av bólkaspælinum. 

20260120-231248-l-6315x4210ma_ok.jpg

Frítekst tagging: 

Ítróttur

Hondbóltur

Francisco Costa

Elias vann í 2024

Hetta er ikki fyrstu ferð, at ein føroyingur er í uppskoti til júst hendan heiðurin. Elias Ellefsen á Skipagøtu var innstillaður saman við týskarunum Juri Knorr og Nils Lichtlein til heiðurin í 2024.

Ta ferðina endaði tað við, at føroyska stjørnan, sum nú spælir við THW Kiel fekk heiðurin fyri síni avrik í 2023.

Í løtuni eru bæði Elias Ellefsen á Skipagøtu og Hákun West av Teigum við í kappingini hjá handballplanet um at gerast heimsins bestu á sínum plássi. 

Hondbóltsfjepparar kunnu vera við til at avgera, hvør fer avstað við heiðrinum, skrivar IHF. Atkvøðast kann til 10. februar.

Fjepparaatkvøður telja ein triðing samanlagt, venjarar telja ein triðing, meðan nevndin hjá IHF fyri venjing og venjingarháttir, CCM, eigur ein triðing av avgerðini.