Hwarang Føroyar vann fimm heiðursmerki

Seks kemparnir frá Hwarang Føroyar hava um vikuskiftið verið til Nordic Taekwondo Championship 2026 í Skanderborg. Tað bleiv til fimm heiðursmerki.

Høgni K. Dávason vann bæði á Norra og Danmark við 2-1 sigrum. Í hálvfinaluni tapti Høgni K. Dávason fyri norskari mótstøðu og endaði við einum bronsu heiðursmerki. 

Jerrold Balagasay kempaði tveir fantastiskar dystir og vann bæði á Danmark og Norra. Finalan var móti nummar 1 á heimsstyrkilistanum. Tað bleiv ein trupul dystur, sum Jerrold Balagasay tapti 2-0 og vann tí silvur heiðursmerki.

Stefan J. Mifsud vann fyrsta dystin trygt 2-0 og luttók annað árið á rað í finaluna í -45 kg Kadet. Her mátti hann lúta fyri svenskari mótstøðu. Stefan J. Mifsud vann tíðskil silvur heiðursmerki.

Jónar K. Poulsen luttók í -41 kg Kadet. Hann vann 2-1 í fjórðingsfinaluni, men tapti tepurt í hálvfinaluni. Hann fekk eitt bronsu heiðursmerki heima við. Boas Hansen var við til sína fyrstu kapping í eitt ár. Hann fekk eina góða byrjan, endaði við at tapa 2-0. Prashim Khadka kom beint í hálvfinaluna og kempaði móti einum frá Svøríki. Tað bleiv ein trupul dystur, sum endaði við einum 2-0 tapi. Prashim Khadka vann bronsu heiðursmerki.

- Allir íðkarar frá Hwarang Føroyar mugu av landinum, fyri at sleppa at kempa. Tí er hesin túrurin  læruríkur og gevur trúgv upp á fleiri heiðursmerkir í framtíðini, sigur Noomi Heradóttir, forkvinna í Hwarang Føroyar.

Føroysku heiðursmerkini:

Høgni Kunoy Dávason vann bronsu í -74 kg Senior

Prashim Khadka vann bronsu í -54 kg Senior

Jerrold Balagasay vann silvur í -45 kg Junior

Stefan J. Mifsud vann silvur í - 48 kg Junior

Jónar Kristiansson Poulsen vann bronsu í - 41 kg Kade