- Tíðindi, mentan og ítróttur
Fólkaflokkurin tekur undir við samgonguni um fíggjarpolitiskt regluverk
Fólkaflokkurin tekur undir við samgonguni um fíggjarpolitiskt regluverk
Formaðurin i Sambandsflokkinum heldur ikki, at tørvur er á fleiri reglum, og formaðurin í Miðflokkinum sigur, at slíkt regluverk er óneyðugt
Beinir Johannesen er formaður í Fólkaflokkinum.
Mynd: Bjarni Árting Rubeksen
28.01.2026 - 13:43
Formaðurin í Fólkaflokkinum heldur tað vera skilagott at hava eitt fíggjarpolitiskt regluverk, sum leggur ávís bond á politisku skipanina, men eftir hansara tykki kundi uppskotið verið betri.
Formaðurin í Sambandsflokkinum heldur ikki, at tørvur er á fleiri reglum, tá vit ikki fylgja teimum, sum longu eru, og formaðurin í Miðflokkinum heldur reglurnar vera óneyðugar. Hann heldur, at talan er um panikkloysn, tí uppskotið kemur stutt fyri valið.
Bárður á Steig Nielsen. (Mynd: Bjarni Árting Rubeksen)
Jenis av Rana. (Mynd: Bjarni Árting Rubeksen)
Í uppskotinum, sum fær 1. viðgerð í morgin, skjýtur Ruth Vang, landsstýriskvinna við fíggjarmálum, upp at seta eitt hámark í lógina um landsins játtanarskipan, millum annað um, hvussu nógv rakstrarútreiðslurnar kunnu vaksa.
Uppskotið sigur, at rakstrarútreiðslurnar ikki kunnu vaksa meira enn eitt prosent av tí, tær vóru árið fyri. Tað er er, at útreiðslurnar eru framroknaðar við lønarvøkstrinum.
Eisini verður avmarkað, hvussu inntøkubroytingar kunnu fíggjast, og hvussu nógvar íløgur landið kann gera.
Hoyr innslag í útvarpstíðindunum, har samrøður eru við Beinir Johannesen, Bárð á Steig Nielsen og Jenis av Rana:
28012026_Andstoda_
Er kopiera
Nýggjastu sendingar í ÚV
Nýggjastu sendingar í SV
