Løgmaður skal svara 59 spurningum um Suðuroyartunnilin

Fíggjarnevndini hjá løgtinginum er verri enn so liðug at viðgera lógaruppskotið um at fyrireika, prosjektera og bjóða út Suðuroyartunnilin.

Fíggjarnevndin hevur sent løgmanni, sum eigur lógaruppskotið, ikki færri enn 59 spurningar um verkætlanina.

Spurningar fevna breitt - flestu eru tó um teknisk viðurskifti av alskyns slag.

Eisini verður spurt um, hvussu Løgmansskrivstovan og partafelagið Suðuroyartunnilin fyrihalda seg til útsagnir frá náttúrufelagsskapum, sum vísa á, at ætlaðu loysnirnar ikki eru góðar fyri djóralív og náttúru.

Fíggjarnevndin hevur givið løgmanni freist til mánadagin at svara teimum 59 spurningunum um stóru tunnilsverkætlanina.

Eirikur í Jákupsstovu

Eirikur skal eisini svara

Eisini landsstýrismaðurin í tilfeingis- og vinnumálaráðnum, sum varðar av Jarðfeingi, skal svara spurningum um Suðuroyartunnilin.

Fíggjarnevndin vil serliga hava at vita, hvørjar jarðfrøðiligar kanningar mælt verður til at gera aftrat út fyri Skarvanes-landinum. Og eisini vil nevndin hava at vita, hvørjar jarðfrøðiligar kanningar eiga at verða gjørdar aftrat av alternativu tunnilsleiðini, , sum verður nevnd "Múlaleiðini".

Eyðgunn Samuelsen

Eisini landsstýrismaðurin í tilfeingis- og vinnumálum hevur fingið freist til mánadagin at svara fíggjarnevndini.

Fíggjarnevndin hevur fund aftur hósdagin í næstu viku, og tá er lógaruppskotið um at fyrireika, prosjektera og bjóða út Suðuroyartunnilin aftur á skránni. 

Fíggjarnevndini hevur fyribils fingið longda freist til 18. februar at skriva álit í málinum.