Trump nevndur meira enn eina millión ferðir í Epstein-skjølum

Donald Trump, forseti,  verður nevndur meira enn eina millión ferðir í Jeffrey Epstein-skjølunum, sum amerikanska løgmálaráðið hevur almannakunngjørt. 

Nógvar atfinningar hava verið um, at sera nógvar útstrikingar eru í skjølunum, og nú hava amerikanskir politikarar í eftirlitsnevndini í Umboðsmannatinginum fingið atgongd til skjølini uttan útstrikingar.

Demokraturin, Jamie Raskin, er ein teirram og hann sigur við miðilin Axios, at tá hann leitaði eftir Trump í skjølunum vóru meira enn ein millión ávísingar til navnið hjá Donald Trump. 

Mar-a-Lago

Í minsta lagi eitt skjal tykist at ganga ímóti tí, sum Donald Trump hevur sagt alment um samband sítt við Epstein. Hann skal hava sagt at Jeffrey Epstein var tveittur út úr klubbanum hjá Donaldi Trump í Florida - Mar a Lago. Eitt nú fyri at hava stolið starvsfólk frá Trump.  

Men í skjølunum er Donald Trump endurgivin fyri at siga: 

"Nei, Jeffrey Epstein var ikki limur av Mar-a-Lago, men hann var gestur á Mar-a-Lago, og nei, vit bóðu hann ongantíð um at fara,"  greiðir Jamie Raskin frá um innihaldið í einum telduposti millum Epstein og Ghislaine Maxwell, har Epstein greiðir frá eini telefonsamtøðu millum verjar sínar og Donald Trump.