- Tíðindi, mentan og ítróttur
Strika landsroynd í náttúru og tøkni í fjórða flokki
Strika landsroynd í náttúru og tøkni í fjórða flokki
Endamálið við at avtaka landsroyndina í fjórða flokki er, at ein ávís roynd skal ikki órógva næmingarnar, sigur Djóni Nolsøe Joensen, landsstýrismaður
Landsroyndin í náttúru og tøkni verður strikað. (Savnsmynd: Bjarni Árting Rubeksen)
18.02.2026 - 07:54
Landsroyndin í náttúru og tøkni í fjórða flokki skal strikast.
Tað er uppskot, sum Djóni Nolsøe Joensen, landsstýrismaður, hevur latið løgtinginum.
Tað er gjørt eftir tilmæli frá Fólkaskúlaráðnum. Tað tilmælið kom í oktober 2024.
Fólkaskúlaráðið kom við nógvum tilmælum tá.
Setur arbeiðsbólk
Landsstýrismaðurin fer, sigur hann, sum skjótast at seta arbeiðsbólk at arbeiða við teimum.
Fólkaskúlaráðið mælti eisini til at seta bólk at arbeiða við tilmælunum.
Endamálið við at avtaka landsroyndina í fjórða flokki er, at ein ávís roynd skal ikki órógva næmingarnar.
Teir skulu heldur varðveita natúrliga forvitnið um tað, sum vekir teirra áhuga um náttúru og tøkni, stendur í lógaruppskotinum.
Er kopiera
Nýggjastu sendingar í ÚV
Nýggjastu sendingar í SV
