- Tíðindi, mentan og ítróttur
Útfluttu fyri 13,6 milliardir í fjør
Útfluttu fyri 13,6 milliardir í fjør
Útflutningurin var 1,4 milliardir størri enn árið fyri
Fiskavøruútflutningurin vaks góðar 1,4 milliardir krónur, ella 12,5 prosent.
Mynd: Hagstovan
19.02.2026 - 10:21
Føroyar útfluttu fyri 13,6 milliardir krónur í 2025.
Tað eru slakar 1,4 milliardir krónur meira enn í 2024, skrivar Hagstovan.
Føroyski útflutningurin til ES er vaksin 1,4 milliardir krónur.
Fiskavøruútflutningurin vaks góðar 1,4 milliardir krónur, ella 12,5 prosent.
Størsti vøksturin er til ES og til tað, sum hjá Hagstovuni eitur Asia annars, sum fyri tað mesta er Kina.
Útflutningurin til Noregs minkaði 141 milliónir, og útflutningurin til Russlands minkaði 74 milliónir.
Føroyar innfluttu fyri nærum 11 milliardir krónur í 2025, 690 milliónir krónur, ella 6,7 prosent, meira enn í 2024, skrivar Hagstovan.
Er kopiera
Nýggjastu sendingar í ÚV
Nýggjastu sendingar í SV
