Vilja endurskoða Helsingforsavtaluna

Nú Danmark og Føroyar hava formansskapin í Norðurlendska ráðharraráðnum, hava londini sett sær fyri at fáa helsingforsavtaluna endurskoðaða, so Føroyar, Grønland og Áland kunnu fáa fullan limaskap í Norðurlandaráðnum.

Fyrsti fundurin, sum danski-føroyski formansskapurin skipaði fyri, var í Keypmannahavn í gjár.

Har vóru samstarvsráðharrar og landsstýrisfólk, sum umsita norðurlendskt samstarv, úr øllum átta Norðurlondum við.  

Og tey tosaðu millum annað um at endurskoða Helsingforsavtaluna, sum er eitt slag av grundlóg hjá norðurlendska samstarvinum.

Sirið Stenberg, landsstýriskvinna, hevði forfall, so Eirikur í Jákupsstovu, landsstýrismaður, var á fundinum.