Pensjónsaldurin: Liljan Weihe tekur støðu í tingsalinum

Trivnaðarnevndin hevur býtt seg í ein meiriluta og tveir minnilutar í málinum um at hækka pensjónsaldurin.

Sambært uppskotinum hjá Margit Stórá, landsstýrskvinnu, hækkar pensjónsaldurin við einum hálvum ári hvørja ferð. Fyrstu ferð í 2035, tá pensjónsaldurin hækkar upp 68 ár og sels mánaðir, og í 2038, tá pensjónsaldurin hækkar upp í 69 ár.

Meirilutin, sum er andstøðuumboðini í nevndini - Jørgen Niclasen, Árni Skaale, Johan Dahl og Kaj Leo Holm Johannesen - tekur ikki undir við uppskotinum, og mælir frá at samtykkja tað.

Tvey av samgonguumboðunum í trivnaðarnevndini, Hans Jacob Thomsen og Súsanna Bertholdsen, mæla til at samtykkja uppskotið, men triði minnilutin, Liljan Weihe, sum eisini er samgonguumboð í nevndini, tekur støðu í tingsalinum.

Uppskotið um at hækka pensjónsaldurin kemur til aðru viðgerð í tinginum mánadagin, og tá verður eisini atkvøtt í málinum. 

Les alt álitið her.