BUMR fær átalu fyri ikki at veita tilboð eftir Karlstad-tænastuni

Løgtingsins umboðsmaður hevur givið Barna- og útbúgvingarmálaráðnum, BUMR, eina átalu. 

Átalan kemur eftir, at umboðsmaðurin hevur viðgjørt eina kæru um eina avgerð hjá Barna- og útbúgvingarmálaráðnum, um ikki at veita málmenningartilboð eftir Karlstad-tænastuni til eitt barn, sum hevði tørv á hesum. 

Tann 8. juli í fjør, fekk Løgtingsins umboðsmaður eina kæru um eina avgerð hjá Barna- og útbúgvingarmálaráðnum, um ikki at veita øðrum enn børnum við Down syndrom Karlstad tænastu. 

Karlstad-modellið er ein arbeiðsháttur at styrkja mál og samskifti hjá børnum.

Down syndrom

Í 2023 samtykti Barna- og útbúgvingarmálaráðið eina fyribils skipan, har børn og ung við Down syndromi kundu fáa Karlstad-ráðgeving. 

Men skipanin fevndi bert um børn við hesi diagnosuni.

Foreldur kærdu, tí barnið hjá teimum - sum eisini málsligar trupulleikar - ikki fekk atgongd til Karlstad, hóast fakfólk mettu, at barnið hevði gagn av tí. Barnið fekk annan málsligan stuðul, men ikki Karlstad, tí tað ikki hevði Down syndrom.

Ráðið greiddi frá, at talan var um eina royndarskipan, og at øll børn við tørvi á málsligum stuðli framvegis fáa hjálp gjøgnum Sernám - men ikki endiliga somu skipan.

Poul Geert Hansen

Frítekst tagging: 

Poul Geert Hansen

Bjarni Árting Rubeksen

Atfinningarsamt

Umboðsmaðurin heldur tað verða atfinningarsamt, at Barna- og  útbúgvingarmálaráðið hevur sett í verk eina fyribilsloysn á henda hátt, uttan at onnur børn við sama tørvi hava fingið lut í tilboðnum,  og at henda loysnin ikki samsvaraði við líkaregluna ella meginregluna um sakliga fyrisiting

Tí gevur umboðsmaðurin Barna- og útbúgvingarmálaráðnum eina átalu fyri handfaringina av málinum.

Barna- og útbúgvingarmálaráðið tekur átaluna til eftirtektar.

Poul Geert Hansen er aðalstjóri í Barna- og útbúgvingarmálaráðnum: