Lurtarar kuratera tónleikin í útvarpinum týsdagar klokkan tvey

Hevur tú onkuntíð hugsað, hví tónleikur, ið tær dámar, ongantíð verður spældur í útvarpinum?

Nú kanst tú gera nakað við tað.

"Kurator" eitur nýtt átak í útvarpinum, har lurtarar kunnu senda sín playlista inn og fáa hann spældan í útvarpinum. 

Fólk hava gjørt playlistar

Í dag er tað soleiðis, at fólk flest longu hava upp í leypar av playlistum við sínum yndistónleiki á Spotify, Youtube og øðrum stroymingtænastum. Harvið er tónleikurin longu kurateraður. 

So um tú hevur ein playlista við 15-20 sangum, sum tú ert serliga glað/-ur fyri, so skalt tú bara senda hann inn til: kurator@kvf.fo. 

Harvið ert tú í umbúna at gerast kurator í útvarpinum. 

Fyrsti Kurator í røðini er Bárður Veihe, sum hevur kuraterað tónleikin í útvarpinum í dag klokkan tvey - klokkan 14. 

Hvat: Kurator
Hvar: Í útvarpinum
Nær: Týsdagar kl. 14
Samband: kurator@kvf.fo