Valið rakar landbúnaðarstuðulin

Valið steðgar nógvum í hesum døgum.

Millum annað var Tilfeingis- og Vinnumálaráðið farið undir at kanna, hvussu landbúnaðarstuðulin kann umskipast.

Men av tí at løgtingsval er útskrivað, er hetta arbeiðið lagt stilt.

Tað sigur Eirikur í Jákupsstovu, landsstýrismaður, í svari til Anniku Olsen, løgtingskvinnu.

Hann sigur, at ábendingar eru um, at breið politisk undirtøka er fyri at økja landbúnaðarstuðulin og at broyta játtanarmannagongdina, so hon verður lík stuðulsskipanini til skipasmíð.