Altjóða orkustovnurin ætlar at lata 400 milliónir tunnur av oljugoymsluni

Tey 32 londini í altjóða orkustovninum, IEA, eru samd um at lata leysar tilsamans 400 milliónir tunnur av olju, sum londini hava á goymslu.

Tað er tað, sum stovnurin bað um, skrivar Reuters. 

Stjórin í altjóða orkustovninum, Fatih Birol, sigur, at stríðið í Miðeystri hevur sera stóra ávirkan á heimsins oljumarknaðir. Oljan á goymslu verður latin á marknaðin í samsvari við viðurskiftini hjá hvørjum landi sær.  

Jens Nymark, sum er vinnulívsviðmerkjari hjá Tv2, sigur, at støðan í Miðeystri er álvarslig. Versnar støðan kann hon gerast ring, bæði menniskjaliga og fyri allan heimsbúskapin, vísir hann á, nú ein fimtingur av heimsins olju er læstur inn í Persaraflógvanum og við Hormuz-sundið. 

 - Tað er tí, at altjóða orkustovnurin tekur hetta stigið at brúka burtur av  Talan er um tvífalt so nógva olju, sum var latin leys, tá kríggið í Ukraina brast á.