Kvinnur eru yngri enn menn, tá tær fara til arbeiðis

Kvinnurnar eru yngri enn menn, tá tær fara upp í arbeiðsmegina.

Men menninir eru eldri enn kvinnurnar, tá teir gevast á arbeiðsmarknaðinum, skrivar Hagstovan.

Í november í fjør var vinnutíttleikin 84 prosent hjá teimum 15 til 74 ára gomlu. 

Vinnutíttleikin hevur seinastu árini verið støðugur, millum 82 og 85 prosent.

Vinnutíttleikin hjá kvinnum 15 til 19 ár var 11 prosentstig størri enn hjá monnum í sama aldursbólki. 

Men í aldursbólkinum 65 til 74 ár er vinnutíttleikin níggju prosentstig størri hjá monnum.

Samanumtikið arbeiða fleiri fólk í Føroyum millum 15 og 74 ár, enn í nøkrum øðrum landi í Evropa.