Säpo: Hóttanin úr Russlandi fer at vaksa næstu árini

Säpo, fregnartænastan hjá svensku løgregluni, metir, at hóttanin frá Russlandi stendur við, og fer at vaksa næstu árini.

Tað var boðskapurin, tá hóttanarstigið móti Svøríki var viðgjørt á tíðindafundi fyrrapartin.

Sambært Säpo eru russararnir váðafúsari enn fyrr. Teir eru eisini meira ágangandi, millum annað við at føra hybrid-kríggj.

Kríggið í Iran og støðan í Miðeystri økja eisini um vandan fyri keðiligum tilburðum í Svøríki.

Tá tað ræður um búskaparliga trygd, metir fregnartænastan hjá svensku løgrelguni, at Kina er størsta hóttanin í longdini.

Säpo leggur dent á hóttanir móti Svøríki innan fyri landamørkini, tað veri seg yvirgang, njósning og at verja ríkisleiðarar.