Ákæruvaldið skotið dóm um hvítvask inn fyri landsrættin

Ákæruvaldið hevur appellerað dómin hjá Føroya rætti í einum máli um hvítvask til Landsrættin.

Maðurin, sum var ákærdur fyri serliga grovt hvítvask og fyri at royna at fremja serliga grovt hvítvask, var frídømdur í Føroya rætti.

Maðurin, sum er 29 ár, er úr Danmark.

Sambært ákæruritinum er næstan hálv millión hvítvaskað. Neyva talið er 481.366 kr.

Noktar seg sekan

Hvítvaskingin skal vera gjørd frá 31. mai til 3. juni í 2021.

Hon var gjørd saman við fólki ella sambært avtalu við fólk í Føroyum og í Danmark.

Politiið hevur tó ongan annan skuldsett.

Ákærdi maðurin noktar seg sekan.