Jórun Gardar vald í nevndina í Betri banka

Betri banki hevur fingið nýggjan nevndarlim.

Á aðalfundinum herfyri var Jórun Gardar vald í nevndina.

Jórun Gardar er fyrisitingarstjóri í Smyril Line.

Hon kemur fyri Marion á Lakjuni, sum var í nevndini síðan 2015 og bar seg undan afturvali á aðalfundinum. 

Evy Jacobsen og Jens Johan Dam vóru afturvald í nevndina. 

Flemming B. Nielsen formaður

Nevndin skipaði seg eftir aðalfundin við Flemming B. Nielsen sum formanni og Evy Jacobsen sum næstforkvinnu. 

Hini í nevndini eru Jens Johan Dam, Janet F. Johannesen, Ivan Christiansen, Jórun Gardar, Sverri M. Edvinsson, Ann Gvøðny Dánialsdóttir og Tanja M. Ósá.

Aðalfundurin samtykti at lata móðurfelagnum 50 mió.kr. í vinningsbýti.

Betri banki er dótturfelag hjá Betri.

Og Betri-samtakið er felag, sum viðskiftafólkini eiga.

Í mars boðaði Betri Banki frá, at úrslitið fyri 2025 var 330 milliónir krónur í yvirskoti.