Jacob Vestergaard, landsstýrismaður: Familjan skal ikki við til Føroya

Familjan skal ikki við, tá fólk koma hendan vegin fyri at arbeiða.

Tað sigur Jacob Vestergaard, landsstýrismaður í vinnumálum.

Stjórin í Vinnuhúsinum, sum umboðar arbeiðsgevararnar, vil ikki siga nakað, fyrr enn hann hevur verið á fundi við nýggja landsstýrismannain. 

Bjarni Kárason Petersen, fyrrverandi landsstýrismaður í lógarmálum, arbeiddi við einum uppskoti, ið skuldi krevja revsiváttan og gera tað verri at fáa familjuna við, tá ein útlendingur fær uppihaldsloyvi í Føroyum.

Men familjan skal í fyrstu atløgu slett ikki við til Føroya, sigur Jacob Vestergaard, landsstýrismaður í vinnumálum

Krevja revsiváttan

Eftir at ein polakkur leyp á eina kvinna við Sandá kom fram, at vit einki vita um tey, sum koma hendan vegin fyri at arbeiða.

Viðkomandi var júst sloppin út eftir at hava sitið ein dóm fyri at myrða eina kvinnu við eini øks.

"Tað skal steðgast við revsiváttan," sigur Jacob Vestergaard. 

Annars ætlar landsstýrið at velja fólk, sum eru muslimar, frá, í so stóran mund, sum til ber.