Lótu 5,6 milliónir í humaniterari hjálp í fjør

Reyði krossur Føroya læt 5,6 milliónir krónur í humaniterari hjálp í fjør. 

Og 651 pakkar vóru útflýggjaðir í mat- og klædnahjálpini í Føroyum. 

Reyði krossur hevði aðalfund í gjár.

Har var upplýst, at 2.361 fólk í Føroyum fingu prógv í fyrstuhjálp í fjør. Og Endurnýtslan hevði 2,2 milliónir krónur í vinningi.

Eisini varð greitt frá nýggju strategiini, 'saman um at hjálpa', sum er galdandi fyri árini 2026-2031.

Nevndin afturvald

Nevndin var afturvald, og Jóannes Eidesgaard heldur fram sum formaður. 

Hini í nevndini eru Torfinn Højgaard, næstformaður, Mary-Ann Thomsen, kassameistari, Fía Niclasen og Tommy Petersen.

Tiltakslimir eru Eyrith Guttesen Leyni og Tórgerð Jallgrímsdóttir.