Landið hevur tikið ræðisrættin frá festaranum

Kristian Krog Hentze harmast um aftursvarið, hann hevur fingið frá Eydis Hartmann Niclasen, landsstýriskvinnu í Heilsu- og Orkumálum.

Kristian Krog Hentze spurdi landsstýriskvinnuna í grein 52 fyrispurningi, nær landsstýriskvinnan fer at steðga ólógligu ognartøkuni av lendi og vatni í Heimastahaga-Norðaripartur í Skálavík?

Eydis Hartmann Niclasen, svarar, áðrenn hon vísur til Føroya Kærustovn sum rætta fyrisitingarliga myndugleiki at kæra til, at hon kann ikki leggja til grund fortreytina um, at ein ólólig ognartøka er framd í Skálavík.

Kristian Krog Hentze vísur m.a. á, at løgtingslógin um landsjørð frá 2006, ásetur, at festini eru ogn hjá bóndanum, og kunnu seljast og veðsetast. Búnaðarstovan kann bert taka ræði, um talan er um mishald og í Heimastahaga-Norðaripartur í Skálavík er ikki talan um mishald.

Hoyr innslagið úr tíðindunum: