Evropeiska bronsu til Janu Mittún

Jana Mittún og Viborg HK vunnu í dag bronsudystin í European League á Esztergom úr Ungarn.

Føroyski landsliðsspælarin skeyt fýra mál upp á fýra skotroyndir í 35-30 sigrinum í Dijon í Fraklandi.

Danska liðið fegnaðist um 3. plássið, men Jana Mittún og tær høvdu ivaleyst vilja spælt finalu heldur enn bronsudyst í dag.

Tað eydnaðist kortini ikki at vinna hálvfinaluna ímóti Thüringer í gjár, tá javni dysturin endaði 26-24 til týskararnar. 

Thüringer tapti í dag finaluna fyri vertunum Dijon, sum tískil hava vunnið næststerkastu evropeisku kappingina fyri feløg í ár.