Bjørn Kalsø: Undirsjóvartunnil er besta loysnin í longdini

Fundurin vísti, at tað ber væl til at bora undirsjóvartunnil til Kalsoynna, og fíggjarliga loysir tað seg eisini í longdini.

Tað sigur Bjørn Kalsø, ein av stigtakarunum til tunnilsfundin á Skálatrøð í Klaksvík í gjárkvøldið:

Á fundinum høvdu Mourits Joensen og Kristian Stórhamar framløgu um linjuføring, kostnað og føroyska arbeiðsmegi. Teir vóru báðir virknir í tunnilsbólkinum, sum arbeiddi við alternativari linjuføring til Suðuroyartunnilin. 

Fríðrik Heinesen, verkfrøðingur hjá Landsverki, hevði framløgu um ferðasambandið til Kalsoynna. Og Jacob Vestergaard, landsstýrismaður í samferðslumálum, greiddi frá, hvørjar ætlanir landsstýrið hevur við farleiðini í Kalsoynna.

Harumframt vóru framløgur frá borgarstjóranum í Klaksvík og fólki, sum býr í Kalsoynni og ferðast dagliga til meginøkið. 

Bjørn Kalsø, ein av stigtakarunum, fegnast um stóra áhugan fyri fundinum. Og tað, sum kom fram, gevur honum góðar vónir um at tunnilsloysnin, tá avtornar verður, verður tikin framum nýggja ferju: