- Tíðindi, mentan og ítróttur
5.000 amerikanskir hermenn aftrat til Póllands
5.000 amerikanskir hermenn aftrat til Póllands
Trump, forseti, sigur, at hann tekur hetta stigið fyri at fagna pólska forsetanum, Karol Nawrocki
Donald Trump, forseti, sigur, at hann hevur avgjørt at senda fleiri hermenn til Póllands fyri at fagna forsetanum í Póllandi, Karol Nawrocki.
22.05.2026 - 10:07
USA fer nú at senda 5.000 hermenn aftrat til Póllands.
Tað skrivar Donald Trump á Truth Social.
- Í sambandi við góða valið av forsetanum í Póllandi, Karol Nawrocki, sum eg eri errin av at stuðla, eri eg fegin um at boða frá, at USA fer at senda 5.000 hermenn aftrat til Póllands, skrivar Trump.
Karol Nawrocki varð annars valdur til forseta í fjør.
Nú í morgun takkar hann á X Trump fyri avgerðina um at senda fleiri hermenn til Póllands. Hann takkar eisini fyri samstarv, virðing og felags trygd.
Fyrr í mánaðinum skrivaði Trump, at hann fer at taka fleiri enn 5.000 hermenn heim úr Týsklandi. Um talan er um somu hermenn, ið nú skulu sendast til Pólland, er ógreitt.
Er kopiera
Nýggjastu sendingar í ÚV
Nýggjastu sendingar í SV
