Brekumboðið: Øll skulu sleppa við til summartiltøk

Brekumboðið biður tey, sum skipa fyri tiltøkum í summar, hava atkomuna í lagi, so tey, sum bera brek, eisini kunnu vera við.

Talan er um atkomuviðurskifti, vesi, parkeringsviðurskifti, góðar ferðaleiðir fyri fólk við rørslutarni ella sjónbreki, tulking til fólk við hoyribreki, hvíliøki og onnur neyðug átøk.

Eisini er umráðandi, at kunning um tiltøk og atkomuviðurskifti er greið og løtt at finna frammanundan, so fólk hava møguleika at fyrireika seg.

Grundhugsjónin eigur altíð at vera, at øll kunnu vera við, sigur Brekumboðið.

Sambært brekrættindasáttmálanum hjá ST eiga fólk, sum bera brek, sama rætt sum onnur at vera við í mentanarlívi, frítíðarlívi, ítrótti og øðrum almennum tiltøkum.

Tey, sum ivast, kunnu spyrja Brekumboðið.

‍