Peningastovnarnir høvdu 719 milliónir í avlopi í fjør

Avlopið fyri skatt hjá teimum fýra føroysku peningastovnunum var 719 mió. kr. í 2025. 

Tað sigur Váðaráðið, sum hevur hugt at roknskapartølunum hjá peningastovnunum.

Í 2024 var avlopið 792 mió. kr.

Eginpeningsavkastið eftir skatt var 14,1 prosent hjá Føroya banka, 10,3 prosent hjá Betri banka, 7,4 prosent hjá Norðoya sparikassa og 5,9 prosent hjá Suðuroyar sparikassa í fjør.

14 mia. í pensjónssparing

Váðaráðið hevur fingið at vita, at pensjónssparingin hjá føroyingum var 14,2 mia. kr. í 2024.

11 milliardir vóru í føroyskum peningastovnum og pensjónsfeløgum.

74 prosent eru í pensjónsfeløgunum.

Okkurt um helvtin av pensjónssparingunum í peningastovnunum er í virðisbrøvum, meðan hin helvtin stendur sum innlán.