Vónin slakar 28 milliónir í avlopi í fjør

Úrslitið hjá Vónini eftir skatt var 27,7 mió. kr. í fjør.

Í 2024 var úrslitið 45 mió. kr. 

Kvotur og ófriðurin í heiminum ávirkaði gongdina í fjør, sigur Vónin í tíðindaskrivi.

Vónin-samtakið seldi fyri 644 mió. kr. í fjør. Sølan í 2024 var 661 mió. kr.

437 fólk í arbeiði

Vónin virkar í sjey londum. Hon hevur 437 fólk í arbeiði, 99 teirra í Føroyum.

Feløgini í samtakinum arbeiða miðvíst við at endurvinna tilfar frá fiski- og alivinnuni. 

Seinastu fýra árini hevur Vónin sent yvir 3.500 tons av tilfari til endurvinning.

Tey geva 12.840 tons minni í útláti, verður sagt í tíðindaskrivinum.