Landsapotekarin skal í søguna

Uppskotið um at strika embætið hjá landsapotekaranum er á veg aftur í løgtingið.

Fyrru ferð var í februar, men uppskotið datt burtur, tá valið kom.

Heilsu- og Orkumálaráðið hevur nú sent lógaruppskotið til hoyringar aftur, tí onkrar broytingar eru gjørdar.  

Myndugleikauppgávur landsapotekarans skulu flytast til Apoteksverkið og Heilsustýrið.

Uppskotið byggir á tilmæli í ætlanini fyri fólkaheilsustýrið frá 2021.

Har stendur, at í 2026 verður farið undir at flyta eftirlitsuppgávur hjá landsapotekaranum til Heilsustýrið, og rakstraruppgávurnar hjá landsapotekaranum vera fluttar til Apoteksverkið.

Og stjóri skal setast fyri Apoteksverkið. 

Uppskotið beinir fyri verandi bygnaðarliga áhugamálsstríðnum og stuðlar undir eitt meira 
uttanveltað eftirlit við lógunum um apoteksverkið og heilivág, sigur Heilsu- og Orkumálaráðið.

Lógin skal koma í gildi 1. januar næsta ár.