Handilskríggið millum USA og Kanada herðist

Handilskríggið millum USA og Kanada herðist í hvørjum.

Hetta kemur í kjalarvørrinum av, at samráðingar millum londini bæði um eina nýggja handilsavtalu endaðu úrslitaleysar.

Amerikanski forsetin, Donald Trump, hevur hótt við at knúsa kanadiska bilídnaðin og at hækka tollin á bilum, lastbilum og eykalutum úr 25 upp í 50 prosent.

Mark Carney

Kanadiski forsætisráðharrin, Mark Carney, sigur, at Kanada er til reiðar at fara aftur til samráðingarborðið, men at ein fortreyt er, at amerikanarar broyta hugburð, skrivar BBC.

Útlitini vóru annars fyri eini semju, søgdu báðir partar fyri fáum døgum síðani. Kanadiar siga, at USA í evstu løtu kom við treytum um, hvørji onnur lond Kanada kundi gera avtalur við, og at tað kundi Kanada ikki góðtaka.

Kanada hevur hótt við at seta neyvt somu tiltøk í verk móti USA, dollara fyri dollara, sum USA hevur sett móti Kanada.