Vinnuhúsið minnir aftur á týdningin at fáa fríhandilsavtalur

At Føroyar bara hava seks fríhandilsavtalur, hevur avleiðingar fyri vinnulívið.

Tað skrivar Vinnuhúsið, nú EFTA-londini og Vietnam gjørdu nýggja fríhandilsavtalu í juli. 

Avalan gevur fyritøkum í Noregi, Íslandi, Sveis og Liktinstein betri atgongd til ein stóran og skjótt vaksandi marknað í Asia.

Fyri fiski- og alivinnuna hevur avtalan ítøkiligar fyrimunir, sum føroyskir útflytarar ikki hava.

Nærum tollfrælsi á laksi

Millum annað verður lagt upp til, at nærum allur tollur á laksi verður tikin burtur, og tollurin á makreli verður burtur eftir trimum árum.

Norskir og íslendskir kappingarneytar fáa sostatt betri kappingarteytir enn føroyskar fyritøkur á einum marknaði, sum eisini er áhugaverdur fyri føroyskt vinnulív, staðfestir Vinnuhúsið.

Nýggja avtalan millum EFTA og Vietnam er áminning um týdningin av at halda fram við arbeiðinum at betra marknaðaratgongdina hjá føroyskum fyritøkum, skrivar Vinnuhúsið.