- Tíðindi, mentan og ítróttur
Bakmanspolitiið gevst við kanningunum
Bakmanspolitiið gevst við kanningunum
Danska bakmanspolitiið hevur steðgað kanningunum av Kaj Leo Holm Johannesen, løgmanni, og Johan Dahl, landsstýrismanni í vinnumálum
30.06.2015 - 20:15
Teir vóru fyri tveimum árum síðani meldaðir fyri at hava latið ivasom viðurskifti í gamla Vinnuframagrunninum.
Varastatsadvokaturin skrivar í brævi til advokatin hjá løgmanni og landsstýrismanninum, at ikki kann væntast, at fleiri kanningar fara at klárleggja viðurskifti, sum kunnu hava við sær, at ákæra verður reist.
Løgreglan gjørdi í mars í fjør húsarannsókn hjá Vinnuframa, hald var lagt á skjøl, og fólk vóru eisini avhoyrd.
Men løgmaður og landsstýrismaðurin eru altso ikki longur partur av kanningini hjá bakmanspolitinum, sigur varastatsadvokaturin.
Nýggjastu sendingar í ÚV
Nýggjastu sendingar í SV