Emil er nýggjur blaðstjóri á Dimmalætting

Emil Lisberg Jacobsen er settur sum ábyrgdarblaðstjóri á Dimmalætting. Hann tekur við starvinum 1. august. Emil hevur drúgvar royndir á Dimmalætting.

Hann var fyrstu ferð í starvi á Dimmalætting í 1995, hann var so burtur frá í nøkur ár, og byrjaði aftur á Dimmalætting í 1999.

Emil L. Jacobsen var í 2014 saman við øðrum fyrrverandi starvsfólkum við til at endurreisa Dimmalætting og hevur síðani arbeitt á blaðnum, fyrst og fremst hevur hann havt ábyrgdina at samskipa blaðútgávu.