Nógv at gleðast um

Framtíðin liggur opin fyri skjótt fyrrverandi borgarstjóranum í Nes kommunu, sum hevur sitið í sessinum síðan 2013. Jóhannus Danielsen stillar nevniliga ikki uppaftur, men kann fegnast um, at nógv er komið av skafti hesi á átta árini, hann hevur sitið sum borgarstjóri. 

Úr rúgvuni nevnir hann dagføringar á barnaøkinum, frítíðar- og ítróttarøkinum og bygdarvegum, umframt at íbúðarbygging er farin í gongd á Toftum.

Eisini fegnast hann um bøkurnar Bygdasøga: Nes, Toftir, Saltnes, sum Helgi Jacobsen hevur greitt úr hondum.

Innslagið gjørdu Heini Gaard og Gestur Lómstein.