Ov fá ung spæla dart

Lýdia á Smið og Jan McIntosh, bæði úr Havnar Dartfelag, gjørdust leygardagin føroyameistarar í darti. 

Allan leygardagin á tamb kappastu bestu dart-spælararnir úr teimum átta dartfeløgunum í landinum um Føroyameistaraheitini. Átta kvinnur, 32 menn, og átta tey bestu pørini. 

Hjá kvinnunum endaði tað við, at Birthe Sikivat og Lýdia á Smið spældu seg í finaluna. Spælt varð best av 7 spølum, og har dróg Lýdia á Smið longra strái og vann sannførandi 4-1.  

Jan McIntosh og Jón Johansen spældu seg í mansfinaluna, har tað verður spælt best av 11. Og har var als eingin ivi. Jan McIntosh vann sera sannførandi 6-0. 

FM leygarkvøldið var endabresturin á einari langari kapping, sum Dartsamband Føroya er væl nøgt við. 

Tað hava í ár luttikið samanlagt 102 mans, 15 kvinnur og 40 pør úr teimum átta feløgunum kring landið.