Allur heimurin er á reyða lista

Mælt verður frá allari ferðing til onnur lond. Tað vil siga ikki bara óneyðugari ferðing. Eisini verða herd krøv sett teimum, sum vilja ferðast til Danmarkar.

Øll, ið ferðast til Danmarkar, skulu vísa eina negativa koronuroynd, sum ikki er eldri enn 24 tímar. Eisini skulu fólk hava eitt viðurkenningarvert endamál við at ferðast til Danmarkar.

Tað eru millum onnur foreldur ella fólk, ið hava umsorganarábyrgd fyri barni, ella familja, hjúnafelagi, unnusti ella unnusta hjá fólki, sum eru álvarsama sjúk.

Herdu tiltøkini eru í fyrsta umfari galdandi frá 10. januar og í eina viku. Og tey ávirka eisini føroyingar, serliga útisiglarar.