Nú boksa tey í Klaksvík

Í fleiri ár hevur bert eitt boksifelag verið í Føroyum, men hósdagin verða tey tvey.

Hóskvøldið verður stovnandi aðalfundur fyri Klaksvík Boksing. Tað er Full Power, við góðari úr Havn, sum hevur tikið stig til nýggja felagið.

– Vit hava fingið eitt lítið skump frá Tórshavn Boksing og Martin Meng, sum hevur spurt, um vit ikki hava hug at fara í gongd við kappingarboksing, sigur Unnur Sjúrðardóttir Fonn, ein av eigarunum í Full Power.

Og tey høvdu hug, og seinastu vikurnar eru tey so smátt byrjað at venja tekniska boksing.

– Tað kemur væl við, tí fyrr máttu vit altíð til Danmarkar til dystir, men nú verður tað kanska Havnin móti Klaksvík, sigur boksarin og hjálparvenjarin, Sigurbjørn Norðbúð Joensen.

– Tað snýr seg um at fáa nøkur ung fólk upp í og at læra tey at boksa. So kunnu vit longu um nakrar mánaðir fáa nakrar dystir her í Føroyum, sigur Johannes Klein, venjari.