Guðrið nýtt føroyskt met í sleggjukasti

Guðrið nýtt føroyskt met í sleggjukasti
Guðrið K. Petersen betraði eitt sindur óvæntað um sítt egna føroyska met í sleggjukasti, tá fyrsta Stórkappingin var á Tórsbreyt um vikuskiftið
17.05.2021 - 17:57

Guðrið Káradóttir Petersen sett nýtt føroyskt met í sleggjukasti leygardagin, tá fyrsta Stórkappingin í frælsum ítrótti var á Tórsbreyt leygardagin.

Íðkarin úr Hvirluni, sló sítt gamla met upp á 43.41m, tá hon kastaði 43.88 metrar. Hon var eitt sindur bilsin av góða úrslitinum. 

 - Eg hevði ikki so høgar vónir til hesa kappingina, so eg eri sera glað fyri at fáa persónligt og føroyskt met, sigur Guðrið Káradóttir Petersen. 

Hon hevur betrað um metið hvørt ár síðan 2018, tá hon tók tað frá Randi Kúrberg.

 
Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652