Thetis fingið gult kort

Sjúkrahúsverkið hevur í dag boðað Thetis frá, at tey fyribils ikki longur sleppa at gera koronugreiningar fyri sjúkrahúsverkið. Orsøkin er villan, har 18 fólk fingu boð um, at tey ikki høvdu koronu, hóast royndirnar vístu, at tey høvdu koronu.
Thetis hevði gjáramorgunin sent eina skeiva fílu í skipanina hjá Landssjúkrahúsinum, sum sendi boð út til øll tey kannaðu um, at tey vóru negativ.
Kanningarstovan hevur í dag fingið boð frá Sjúkrahúsverkinum um at rætta mannagongdirnar, og at Sjúkrahúsverkið ikki fer at brúka Thetis aftur, fyrr enn tey kenna seg trygg við tað.