Slagið stendur ímóti Serrano

19.09.2022 - 16:38
ÍtrótturAnnar ítróttur
Slagið stendur ímóti Serrano
Fýra HM-belti standa upp á spæl, tá Sarah Mahfoud leygardagin skal boksa sín størsta dyst higartil. Mótstøðukvinna í Manchester er Amanda Serrano úr Puerto Riko

Vinnarin fer avstað við øllum, tá Sarah Mahfoud fer í ringin ímóti Amandu Serrano í Manchester leygarkvøldið.

 - Eg seti mítt belti upp á spæl, eg seti mín tittul upp á spæl. Hon hevur tríggjar titlar, eg kann fáa. Vinnarin fær alt, sigur Sarah Mahfoud.

21.000 fólk væntast til dystin í enska stórbýnum, og avbjóðingin er hin størsta hjá Sarah Mahfoud higartil. Amanda 'the Real Deal' Serrano úr Puerto Riko hevur vunnið 42 av sínum 45 dystum - harav 30 upp á knockout.

Hálvi føroyingurin fær kortini góða hjálp til fyrireikingarnar, tí hon hevur alla familjuna við til eina av síðstu venjingunum fyri fráferð.

Beiggin hermir eftir Serrano

Beiggin, Allan Mahfoud, hevur hjálpt til við venjingini.

 - Eg vil tryggja mær, at hon verður trýst so nógv sum gjørligt, nú dysturin nærkast, sigur hann.
 
 - So havi eg hugt at, hvussu mótstøðukvinnan boksar og roynt at kopiera hennara stíl mest møguligt, so Sarah er væl fyrireika, greiðir hann frá.

 - Tað hevur stóran týdning, tí tá eg standi í ringinum, skal eg verða klár upp á alt tað, sum hon kemur við, leggur Sarah Mahfoud afturat.

Pápin: hon vinnur!

Pápi, Sarah, Mohammad Mahfoud, ivast ikki í, at dóttirin fer at vinna stórdystin í Manchester.

 - Sarah virkar nógv skjótari enn Serrano, og hon kemur heim við øllum beltunum, sigur hann ivaleysur.

Sjálv hevur Sarah Mahfoud, sum hevur røtur í Vestmanna, sett alt upp á spæl, men hon óttast ikki.

 - Tað skal verða eg! 


Sarah Mahfoud hevur eitt HM-belti í fjøðurvekt, og tað setur hon upp á spæl leygarkvøldið


Beiggi Sarah, Allan Mahfoud (húkandi), hevur hjálpt til við venjingunum
 
Er kopiera

Tak niður

Nýggjastu sendingar í ÚV
Mikudag 28. september
LEITISSTEIN 27.09.2022 (Trucker Frank)
145448
Mikudag 28. september
Góðan morgun Føroyar 28.09.2022
145443
Mikudag 28. september
Morgunlestur mikudagur 28. september 2022
145186
Týsdag 27. september
Ljóarin 27. september 2022
145415
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956