Føroyskir judo-íðkarar til EM fyri smátjóðir

Tíggju føroyskir judo-íðkarar eru farnir undir venjingarnar til evropameistaraheitið fyri smátjóðir, sum verður fyri fyrstu ferð í næstum.

Kappingin verður í Luksemburg í november, og føroysku íðkararnir eru glaðir fyri at fáa møguleikan ímóti øðrum smátjóðum.

 - Hetta ger, at smærru tjóðirnar kunnu taka tað í fetum, sigur Jógvan Páll Kristiansen, sum hevur íðka judo í nógv ár, og nú býr og venur í Danmark.

 - Vanliga er tað eitt stórt lop, og tú skalt ímóti onkrum av stóru tjóðunum, sum kanska hava judo sum næststørstu ítróttargreinina.