VIDEO: Alexander tendraði Olympiska eldin

Alexander Mittún Darvishi-Kobejari bar eldin og Súsanna Johannesen bar fram eiðina fyri teir tólv føroysku íðkararnar, sum komandi viku skulu taka lut í Special Olympics World Games í Berlin.

Føroyska ferðalagið, sum er farið úr Føroyum fyri at kappast í Special Olympics World Games í Berlin, er í løtuni í suðurtýska býnum Wilhelmsdorf, har olympiski eldurin varð tendraður, olympiska flaggið borið inn og eiðin tikin av øllum ítróttarfólkunum.

Tey, ið bóru flaggið fyri Føroyar, vóru Hóri Hemmingsson, Durita Kjartansdóttir Strøm og Tummas Marjunarson Wilhelm. 

Býurin Wilhelmsdorf við 5000 íbúgvum tók væl ímóti ferðalagnum, sum hevur upplivað bæði riddaraborgir, siglitúr á Konstanz vatninum og tey vardu verkstøðini í økinum.

Tey 12 føroysku ítróttarfólkini fara nú til Berlin, har tey skulu kappast í svimjing, frælsum ítrótti, fimleiki, boccia, bowling og borðtennis.

Hitt føroysku ítróttafólkini í innslagnum omanfyri