Sjúkrahússtjóri: Fígging má fylgja við nýggjari rús- og abstinensviðgerð

Fígging má fylgja við, um Sjúkrahúsverkið skal átaka sær nýggjar uppgávur í sambandi við rús- og abstinensviðgerðartilboð. 

Tað sigur Per Busk, stjóri í Sjúkrahúsverkinum, nú Eyðdis Hartmann Niclasen, landsstýriskvinnan í heilsumálum, hevur heitt á Sjúkrahúsverkið um at lýsa, hvussu eitt rús- og abstinensviðgerðartilboð kann skipast innan verandi karmar.

Boðini hevur Per Busk fingið, hóast Sjúkrahúsverkið eisini hevur fingið boð um at spara 6,8 milliónir krónur næsta ár. 

Per Busk

Freist til 6. november

Sjúkrahúsverkið hevur fingið freist til fríggjadagin 6. november at lata landsstýriskvinnuni lýsingina, hvussu eitt rús- og abstinensviðgerðartilboð kann skipast.

Per Busk, stjóri í Sjúkrahúsverkinum, tekur væl ímóti ætlanini, men ger greitt, at nýggjar uppgávur krevja meira fígging.

Tað er Eyðdis Hartmann Niclasen, landsstýriskvinna í heilsumálum, sum hevur biðið Sjúkrahúsverkið lýsa, hvussu eitt rús- og abstinensviðgerðartilboð kann skipast.

Fyrsti landsstýrisfundur 2026, Eyðdis Hartmann Niclasen, myndir: Bjarni Árting Rubeksen

Frítekst tagging: 

Fyrsti landstýrisfundur 2026

myndir: Bjarni Árting Rubeksen

Eydis Hartmann Niclassen

Nýtt tilmæli

Hóast Føroyar longu í 2022 fingu eina heildarætlan við 58 tilmælum um at fyribyrgja og tálma rúsevnismisnýtslu, so skal ein nýggjur arbeiðsbólkur nú kanna, hvussu rúsviðgerðin skal skipast. 

Arbeiðsbólkurin hevur fingið freist til juli næsta ár at koma við tilmæli, men landsstýriskvinnan í heilsumálum hevur heitt á Sjúkrahúsverkið at lýsa, hvussu eitt rúsevnis- og abstinenstilboð kann skipast undir verandi karmum, samstundis sum Sjúkrahúsverkið skal spara.