Óheppið, at teir fáa brotsspark

Føroyski málverjin, Mathias Lamhauge, var væl nøgdur við føroyska verjuavrikið í tveymálstapinum fyri Póllandi.

 - Vit verja, sum ein eind, segði B36-málverjin, sum loysti av fyri skadda Teit Matras Gestsson. 

Hann iðraði seg um, at póllendingar fingu eitt "óheppið" brotsspark, tá komið var somikið langt út í seinna hálvleik.

 - Tað er øgiliga óheppið, at júst tað fær teir í gongd, tí høvdu vit hildið nakrar minuttir afturat, komu vit framvið 80. minutt, og tá trúgvi eg, at áskoðararnir høvdu byrja at rópt eftir sínum egnu, sum teir gjørdu í løtum, segði føroyski málverjin, sum stóð sannførandi.