- Tíðindi, mentan og ítróttur
Best skikkaði umsøkjarin varð vrakaður
Herfyri lýsti Klaksvíkar Sjúkrahús eftir starvsfólki til Sjúkraflutningstænastuna á Klaksvíkar Sjúkrahúsi.
Í lýsingini var greitt tilskilað, hvørjar treytir umsøkjarin skuldi uppfylla. Har stóð millum annað, at "søkt verður útbúnum viðgerðum ella fólki, sum hava hug ella hegni at gerast viðgeri."
Í staðin fyri at leggja dent á útbúgving, so hevur setanarbólkurin valt at kalla fólk inn, sum hava nútímans royndir innan sjúkraflutningstænastu - við øðrum orðum ikki eitt krav um útbúgving, hóast tað stóð í lýsingini.
Og hetta er ikki í lagi, sambært Heilsumálaráðnum. Tað er IKKI í lagi at síggja burtur frá umsøkjara við útbúgving, og tað er heldur ikki í lagi síðan at leggja dent á nútímans royndir, tá tað ikki er nevnt í lýsingini.
At vísa til manglandi skjøl er heldur ikki í lagi, tá útbúgvingarnar verða nevndar og setanarbólkurin bara kann biðja um avrit av prógvunum.
Og tá so vrakaði umsøkjarin eftir niðurstøðuna vendir sær til stjóran á Klaksvíkar Sjúkrahúsi, er svarið frá henni soljóðandi:
"Góði XX: Nemliga, nú kom ein niðurstøða. Klaksvíkar Sjúkrahús Heldur seg til niðurstøðuna hjá Heilsumálaráðnum, hana hevur tú eisini fingið avrit av. Vit ynskja tær alt tað besta framyvir. Vinarlig heilsan, Alexandra á Dul."