Siga farvæl við lívsverkið í Koltri

Siga farvæl við lívsverkið í Koltri
Eftir 30 ár í Koltri eru hjúnini Lukka og Bjørn Patursson farin at rigga av. Bjørn hevur sagt upp sum fyristøðumaður í Koltri.
23.02.2024 - 21:24

Tað var í 1994, at Bjørn Patursson tók við festinum í Koltri. Ungi festarin hevði dreymar um at menna landbúnaðin í oynni. Í 2013 vard lagt upp til, at ein sonevnd antikvarisk serskipan skuldi gerast fyri Koltur. Síðan varð farið undir at menna koltursætlanina, ið fevnir um varðveiting og nýbygging av býlingum í Koltri og um at endurskapa upprunaligu náttúruna í oynni. Tjóðsavnið stendur fyri verkætlanini, og Bjørn Patursson gjørdist fyristøðumaður í Koltri. 

Býlingurin Heima í Húsi í Koltri er endurskaptur og í dag eitt dømi um bygging í gamla bóndasamfelagnum. Tíðarfestingar av brendum byggkorni vísa, at fólk hava búð Heima í Húsi síðan víkingaøldina, tvs. í ár 800-900. Fyri framman stendur ein stór verkætlan, ið er mett at kosta umleið 65 milliónir krónur. Løgtingið og Tórshavnar Býráð hava givið tilsøgn um pengar til verkætlanina, ið Tjóðsavnið skal standa fyri, og sum eisini skal fíggjast við stuðli úr grunnum osv.

66 ára gamli Bjørn Patursson hevur nú valt at gevast sum fyristøðumaður í Koltri. Hann vil loyva nýggjum kreftum framat.

 

 
Er kopiera
Nýggjastu sendingar í ÚV
Sunnudag 19. mai
Bolero - Hvítusunna
175301
Sunnudag 19. mai
Kórstevnan 2024 (2:2)
175262
Sunnudag 19. mai
Kórstevnan 2024 (1:2)
175261
Leygardag 18. mai
Jambalaja - 180524
175292
Leygardag 18. mai
Upp á tá - 170524
175288
Nýggjastu sendingar í SV
Sunnudag 19. mai
Guðstænasta úr Gøtu kirkju
175297
Leygardag 18. mai
Dagur og vika - teknmálstulkað
175283
Fríggjadag 17. mai
Veðrið
175269
Fríggjadag 17. mai
Flaggsigling 2019 (2:2) - teknmálstulkað
175216