Væl nøgd við avrikið

Føroyski hópurin var sum heild væl nøgdur eftir stórsigrarnar á Luksemborg.

Hondbóltskvinnurnar hava nú mestsum tryggjað sær triðja plássið, sum kann geva atgongd til EM-endaspælið í desember.

 - Eg eri glaðast fyri, at vit eru hvøss upp á okkara kontraspæl, segði venjarin, Claus Mogensen, eftir dystin.

 - Vit avgreiddu tað betur enn seinast, og tað er eisini nakað, sum vit hava havt í miðdeplinum, so tað er deiligt.

Brynja Symphor Høj var eisini væl nøgd við føroyska avrikið, hóast byrjanin kundi verið betri, og Karin Egholm stórfegnaðist um sín fyrsta A-landsdyst og gott persónligt avrik.