- Eg eri ræðuliga rørd beint nú

 - Eg veit ikki, hvussu nógv ár eg havi eftir í hondbólti, so eg eri ræðuliga rørd beint nú.

Tað segði Bjarta Osberg Johansen, eftir at føroyska EM-plássið varð tryggjað.

 - Eg havi verið við frá tí, at vit ikki spæla regluligar landsdystir, og vit hava verið til undan-undankappingar, segði royndi strikuspælarin úr Kyndli.

Føroyar spældu ikki ein serliga góðan dyst, men góða útgangstøði hjá landsliðnum kom teimum til góðar, og tær fingu seinasta EM-plássið 10 mál frammanfyri Grikkaland. 

Bjarta Osberg Johansen ivast ikki í, at EM-plássið hevur stóran týdning fyri føroyskan kvinnuhondbólt.

 - Við tað, at vit klára okkum væl, skapa vit eisini áhuga fyri okkara ítróttagrein, og tað er bara positivt, segði hon.