Jana Mittún: Nú er lagið øgiliga gott

 - Tað var ikki gott beint í áðni, men nú sigur Mark (Lausen Marcher, red.), at vit eru komnar víðari, so nú er tað øgiliga gott.

Jana Mittún tosaðu um lagið á føroysku landsliðsspælarunum, sum batnaði munandi, tá tað varð greitt, at EM-plássið varð tryggjað eftir tapið fyri Íslandi í Hafnarfirði.

Besti føroyski spælarin í 24-20 ósigrinum var ikki nøgd við avrikið.

 - Eg haldi, at vit spæla ein elendigan dyst. Vit eru ikki har, vit brenna ov illa og tað virkar, sum vit eru eitt sindur bangnar fyri at spæla, segði bakspælarin sum var toppskjútti við átta málum.

Føroyar byrjaðu væl, men Ísland vann seg framum í fyrra hálvleiki, og føroyingarnir fingu ongantíð spælið at koyra. Kortini eydnaðist at vinna seg til endaspælið, sum ein av fýra teimum bestu liðunum, sum endaði nummar trý í bólkaspælinum.