Fólk í Vága kommunu eru ikki heilt nøgd við fólkaskúlan

Sambært kommunukanningini hjá Kringvarpi Føroya, so liggur Vága kommuna millum tey niðastu, tá tað kemur til spurningin um, hvussu nøgd fólk eru við fólkaskúlan í kommununi. 

Tað kemur óvart á Annbritt Toftegaard, stjóra í Skúlanum á Giljanesi, sum er skúlin í kommununi. 

Men tað ikki øll, ið kenna seg aftur í úrslitunum. Rúna á Rógvu, sum býr í Sandavági, og hevur eitt barn í fólkaskúlanum, er væl nøgd við skúlan í kommununi. 

Tað er Sólja F. Jóanisdóttir, sum situr í skúlastýrinum eisini. Hon staðfestir, at skúlastýrið í Vága kommunu fær ikki nógvar klagur um skúlan. 

Savnað allar flokkar á Giljanesi

Í 2014 var nýggi skúlin á Giljanesi tikin í nýtslu, og tað hevur havt nakrar broytingar við sær, ið kunnu ávirka úrslitið. Í summar blivu smærru skúlarnir í Sandavági og Miðvági niðurlagdir, og allir flokkarnir savnaðir í Skúlanum á Giljanesi. 

Vit hava tosað við fleiri fólk í dag, og nøkur siga, at tey halda, at næminganir ov ofta fáa frí frá skúlanum,

Og so halda fólk, at kunning frá skúlanum ikki altíð er nóg góð. Eitt nú, hvat næmingarnir skulu arbeiða við heima. 

Annbritt Toftegaard

Annbritt Toftegaard, skúlastjóri á Giljanesi